| 目標?是什麼
理想?是什麼
咸魚?我是嗎
不是,我是木乃伊
|
| |
| 大家同樣都係工作姐
唔係咁講野呀?
你估我特登黎煩你咩
一句說話
用唔同既語氣,態度,身體語言都會有唔同既效果
尊重唔係就咁講請同唔該囉
唔識轉彎,轉又轉得慢,又唔聽人講
就一味淨係向前行
人唔牛下嘛
作為一個人,都唔會想刻苦一生而得兩餐溫飽掛
唔去改善自己既缺點咪等俾人劏囉
改善工作能力唯有努力去學與做
改善人際關係唯有虛心接納意見
將勤可以補拙
但當你認為自己能力足夠既時侯
正正就係你自身最錯既想法
不進則退
不求進步就好快會被後浪所推翻
將勤補拙
勤唔一定淨係代表勤力
亦會建基於不恥下問,虛心學習既心態
拙者先天上已經比人落後
若再我行我素
人地俾意見你既時侯拎轉塊面
豈不尤同自掘墳墓?
|
| |
| 一個酒樽型朱古力
酒樽係一樣好特別既野
佢樽口位比較細
所以每次將d野倒入去既時侯都會好慢
但係並唔代表佢既存量低
每日逐d逐d放入去
隨住時間既過去
入面既存量就會愈黎愈多
令我諗起"每天愛你多一些"呢首歌
所以我將呢個充滿甜蜜,愛意及令人陶醉既酒樽朱古力送俾你
|
| |
| 究竟係感覺變左,定係我只係受到情緒影響?
感覺上好多野都唔同哂
vani講過,當你覺得一個人改變既時侯,就係你真正了解佢既時侯
或者會係啦
而家我終於都開始明白joe所講既野
有時真係變左就係變左
桃花依舊,人面全非
人生中,就係不斷有人上車同落車
能夠一齊去到總站既,真係少之有少
今日我亦諗到另一個問題
當所有女性都話好男人幾乎絕種既時侯
佢地又有冇諗過
仲有幾多好女人生存係呢個世上?
|
| |
